Topaz Premyer Liqasında II turun oyunlarının başlama vaxtı açıqlanıb. Sportnet.az-ın məlumatına görə, ilk olaraq "Kəpəz" və "Zirə" komandaları üz-üzə gələcək.
Turun oyunları 3 gün ərzində reallaşacaq. PFL-in qərarına görə, 2 oyunun müvafiq olaraq, yeri və vaxtında dəyişiklik edilib.
Avropa Liqasında mübarizəni davam etdirən "Qarabağ” klubu PFL-ə müraciət edərək, ev oyunlarının keçirildiyi Tofiq Bəhramov adına Respublika stadionunun təmirə bağlandığını bildirib. "Qarabağ” bununla əlaqədar II turda "Rəvan”a qarşı keçirilməli olan ev oyununun yerinin dəyişdirilməsini xahiş edib. Bunları və "Rəvan”ın razılıq məktubunu nəzərə alan PFL II turun oyununu "Rəvan” – "Qarabağ” kimi, X tur matçını "Qarabağ” – "Rəvan” kimi qeydə alıb. Oyun isə "Bayıl Arena”da təşkil olunacaq."İnter” – "Neftçi” matçı isə canlı yayımla əlaqədar 15 avqustdan 17 avqusta keçirilib.
15 avqust (şənbə)
21:00. "Rəvan" – "Qarabağ"
"Bayıl Arena"
21:00. AZAL – "Qəbələ"
"AZAL Arena"
16 avqust (bazar)
21:00. "Sumqayıt" – "Xəzər Lənkəran"
"Kapital Bank Arena"
18:30. "Kəpəz" – "Zirə"
Gəncə şəhər stadionu
17 avqust (bazar ertəsi)
21:00. "İnter" – "Neftçi"
"İnter Arena"
