"Rəqib hesabı açana qədər futbolçularım yaxşı çıxış etdilər, razı qaldım. Daha sonra fiziki baxımdan problem yaşadıq". Sportnet.az-ın məlumatına görə, bunu "Rəvan"ın baş məşqçisi Emin Quliyev "Qarabağ"a 1:2 hesabı ilə uduzduqları Azərbaycan Premyer Liqasının II tur matçından sonra deyib.
Komandanı 20 günə yığdıqlarını deyən gənc mütəxəssis heyətə yeni futbolçuların cəlb olunmasının gərəkliyini vurğulayıb. O, litvalı hücumçu Mindauqas Kalonasın durumuna da toxunub: "Kalonasın komandada qalıb-qalmayacağı dəqiq bilinmir. Artıq çəkisi olan futbolçu oynamağa hazır deyil”.
