"Çalışdıq ki, qol vuraq, amma alınmadı". Sportnet.az-ın məlumatına görə, bunu "İnter"ə 0:1 hesablı məğlubiyyətlə yekunlaşan Azərbaycan Premyer Liqasının II tur matçından sonra "Neftçi"nin futbolçusu Aylton deyib.
Braziliyalı müdafiəçi məğlubiyyəti azlıqda qalmaları və komandadakı çatışmazlıqlarla əlaqələndirib: "Oyun başlayan kimi komandamız azlıqda qaldı. Buna görə matç ağır keçdi. Çalışdıq ki, "İnter”in hücumlarının qarşısını alaq və qol buraxmayaq. Əsasən rəqibi əks-hücumlarda məyus etmək istəyirdik. Amma rəqib komanda da əlinə düşən imkandan maksimum yararlandı və qol vurdu. Artıq 2-ci oyundur ki, qələbə qazana bilmirik. Komandamızda hər şey qaydasındadır. Sadəcə, oyundan-oyuna fərq var. Əsas məqsədimiz hər oyunda qələbə qazanmaqdır. Çalışacağıq ki, qarşıdakı oyunlarda vəziyyəti yaxşılaşdıraq".
