"Əvvəla "Qarabağ"ı qələbə münasibətilə təbrik edirəm. Bu oyunun ilk dəqiqələrindən azlıqda qaldıq. Bu vaxt artıq qələbənin əldən getdiyini anladım". Sportnet.az-ın məlumatına görə, bunu İsveçrə "Yanq Boyz"unun baş məşqçisi Harald Qamperle "Qarabağ"a Avropa Liqasının "pley-off" mərhələsində 0:3 hesabı ilə uduzduqları cavab görüşündən sonra deyib.
O bildirib ki, meydanın ot örtüyü məğlubiyyətlərinə səbəb ola bilməz: "Sadəcə, onu deyə bilərəm ki, hər iki tərəf bu meydanda oynayır. Ona görə də düşünmürəm ki, bu bizə daha çox təsir etdi".
Qamperle "Qarabağ"ın hücumçusu Reynaldo ilə maraqlandıqlarına dair xəbərlərə də münasibət bildirib: "Oyundan öncə də demişdim. Reynaldo yaxşı oyunçudur, amma onunla maraqlanmırıq".
