Braziliyalı futbolçu Jairo Rodriges Filyo "Neftçi"nin düşərgəsinə qoşulub. Sportnet.az-ın klub saytına istinadən verdiyi məlumata görə, 23 yaşlı futbolçu dünən axşam saatlarında Bakıya gəlib.
Müdafiəçi bu gün paytaxt klubunun səhər məşqində iştirak edib. Məşqçilər heyətinin müsbət rəy verəcəyi təqdirdə "Neftçi" futbolçu ilə müqavilə imzalayacaq.
Qeyd edək ki, 31 dekabr 1992-ci ildə Braziliyada dünyaya göz açmış Jairo Rodriges Filyo bunadək Braziliyanın "Amerika" (2011-2012), Bolqarıstanın "Botev" (2012-2014) və Portuqaliyanın "Trofense" (2014-2015) klublarında çıxış edib.
