"Zirə" klubu yeni transferi Nelson Bonillanı sifariş edib. Sportnet.az-ın məlumatına görə, salvadorlu futbolçu artıq Azərbaycan Premyer Liqasında çıxış edə biləcək.
25 yaşlı futbolçu 9 nömrəli futbolka ilə top qovacaq.
Qeyd edək ki, Salvador yığmasının hücumçusu Nelson Bonilla ilə 2 illik müqavilə imzalanıb. Bonilla karyerasına ölkəsində "Alianza" klubunda başlayıb. Ötən il Rumıniyanın "Viitorul" klubuna transfer olunan Nelson 25 oyunda 7 qola imza atıb. Hücumçu Salvador yığmasında da eyni sayda qolun müəllifidir. O, yığma komanda ilə 2013-cü ildə Kosta Rikada keçirilən Mərkəzi Amerika Oyunlarının bürünc medalını qazanıb.
