"Biz hər komandaya qarşı güclü hazırlaşırıq. AZAL-ın güclü rəqib olduğunu bilirdik". Sportnet.az-ın məlumatına görə, bunu "CBC" kanalına açıqlamasında "Kəpəz"in futbolçusu Budaq Nəsirov deyib.
Oyun haqda fikirlərini bildirən yarımmüdafiəçi oyunun çətin keçdiyini bildirib: "Düşünürəm ki, bu gün qələbəyə layiq oynadıq və bunu əldə etdik. Azərbaycanda mənim mövqeyimdə oynayan futbolçu çoxdur. Ancaq Şahin müəllimə çox sağ ol deyirəm ki, mənə şans verdi. Azarkeşlər gəldikdə isə onlar həmişə öz dəstəyini verir və rəqib komandaya da hörmət edirlər. Bütün bizi dəstəkləyənlərə minnətdarlığımı bildirirəm".
Qeyd edək ki, "Kəpəz" - AZAL oyunu 1:0 hesabı ilə yekunlaşıb.
