Yunanıstanın PAOK klubunun futbolçusu Rikardo Koşta Avropa Liqasının qrup mərhələsində Bakıda keçirilmiş "Qəbələ" ilə oyun (0:0) haqda fikirlərini bildirib. Sportnet.az-ın məlumatına görə, portuqaliyalı müdafiəçi UEFA-nən mətbuat xidmətinə açıqlamasında Azərbaycan təmsilçisinin güclü komanda oluğunu deyib.
Onun sözlərinə görə, qeydə alınan 0:0 nəticəsi ədalətli olub: "Qəbələ" güclü komanda olduğunu "Panatinaikos"la oyunda sübut etdi. Onlar inadkarcasına mübarizə aparır. Bizim 3 xal qazanmaq üçün imkanlarımız oldu, ancaq bu cəhdlər uğursuz alındı.
Qeyd edək ki, "Qəbələ" və PAOK komandaları arasında cavab görüşü noyabrın 26-da Yunanıstanda keçiriləcək.
