Rusiyanın "Krasnodar" klubunun futbolçusu Yuri Qazinski Avropa Liqasının qrup mərhələsinin II tur matçından öndə "Qəbələ" komandası barədə fikirlərini bölüşüb. Mətbuat konfransında danışan 26 yaşlı yarımmüdafiəçi "qırmızı-qaralar"la yalnız nəzəri məşğələlərdə tanış olacağını bildirib.
O, Azərbaycan Premyer Liqasını da izləmədiyini söyləyib: "Baş məşqçimiz Oleq Kononov nəzəri məşğələlərdə bizi bu komanda ilə tanış edəcək, zəif və güclü tərəflərindən danışacaq. Təbii ki, biz onun tapşırıqlarını oyun zamanı həyata keçirməyə çalışacağıq".
Qeyd edək ki, "Kuban" stadionunda keçiriləcək "Krasnodar" - "Qəbələ" matçı Bakı vaxtı ilə 2 oktyabr saat 00:05-də başlanacaq.
