"Oyunun çətin keçəcəyini bilirdik. Sözün açığı, "İnter” barədə düşünməmişdik, sadəcə, öz durumumuzu müzakirə edirdik". Sportnet.az-ın məlumatına görə, bunu "Sumqayıt”ın yeni baş məşqçisi Samir Abasov "İnter"lə 1:1 hesablı heç-heçəyə nail olduqları Azərbaycan Premyer Liqasının VIII tur matçından sonra deyib.
10 gündür komanda ilə birgə olduğunu deyən gənc mütəxəssis bu heyətlə istəklərinə çatacaqlarını iddia edib: "Əsas məqsədimiz yaxşı oyun, yaxşı nəticədir. Çalışacağam ki, sürətli futbol sərgiləyək. Bu gün bir komanda kimi mübarizə apardıq. Həm oynayan, həm də ehtiyatda oturan futbolçulara təşəkkür edirəm”.
