"Qəbələ"nin zədəli futbolçuları Rafael Santos və Ermin Zets komandayla birgə məşqlərə başlayıb. Bu barədə Sportnet.az-a klubdan məlumat verilib.
Millinin düşərgəsində zədələnən Zets və milli komandaların oyunu ilə əlaqədar yaranan fasilədə keçirilmiş yoldaşlıq görüşündə sıradan çıxan Santos bugündən etibarən baş məşqçi Roman Qriqorçukun sərəncamında olacaq.
Braziliyalı müdafiəçi və bosniya və herseqovinalı hücumçunun Avropa Liqasının qrup mərhələsində oktyabrın 22-də Bakıda keçiriləcək Almaniya "Borussiya"sına qarşı oyunda meydana çıxıb-çıxmaması ukraynalı mütəxəssisdən asılıdır.
Baş Qriqorçuk şans verəcəyi təqdirdə oyuna hazır olan hər iki futbolçu meydana çıxacaq.
