"Oyuna çox yaxşı hazırlaşmışdıq. Aqressiv rəqiblə oyunda 3 xal əldə edə bildik". Sportnet.az-ın məlumatına görə, bunu "Zirə"nin baş məşqçisi Adil Şükürov evdə "Sumqayıt"a 3:2 hesabı ilə qalib gəldikləri Azərbaycan Premyer Liqasının XII tur matçından sonra deyib.
Komandasından çox razı olduğunu deyən gənc mütəxəssis qələbəyə çox sevindiyini bildirib: "Zirədə futbol adına hər bir şey vardı. Düşünürəm ki, maraqlı görüş alındı. "Sumqayıt”ın son oyunlarını analiz etmişdik. Rəqib ilk dəqiqədə qollar vurmağı bacarır. Ona görə də matçın ilk dəqiqələrində ehtiyatlı oyuna üstünlük verdik”.
