"Ağır oyun olacağını gözləyirdik". Sportnet.az-ın məlumatına görə, bunu "Zirə"nin baş məşqçisi Adil Şükürov "Neftçi" ilə səfərdə 1:1 hesablı heç-heçə etdikləri Azərbaycan Premyer Liqasının XV tur matçından sonra deyib.
O bildirib ki, "Neftçi”yə qarşı oynamaq həmişə çətindir: "Rəqib komandada çox böyük dəyişikliklər görürük. Sevinirəm ki, oyuna yaxşı motivasiya olduq. Bu gün 2 xal itirmədik, 1 xal qazandıq. Qazanılan xala görə komandaya, "Zirə”dən gəlib bizi dəstəklədiklərinə görə azarkeşlərə təşəkkür edirəm”.
