Azərbaycan Premyer Liqasında qış fasiləsinə 3-cü yerdə çıxan "Zirə”nin hazırlıq planı məlum olub. Sportnet.az-ın məlumatına görə, komanda üzvləri yanvarın 5-də Bakıda bir araya gələcəklər.
4 gün Zirə İdman Kompleksində gündə bir dəfə olmaqla məşq edəcək "Zirə" təlim-məşq toplanışının ikinci mərhələsini Türkiyənin Antalya bölgəsində keçirəcək. Qardaş ölkədəki hazılıq mərhələsinin ilk həftəsində komanda fiziki hazırlıq üzərində çalışacaq. Növbəti həftədə isə baş məşqçi Adil Şükürov ümumi texniki-taktiki hazırlığa üstünlük verəcək və komanda yoxlama oyunlarında qüvvəsini sınayacaq.
Antalyada "Zirə” 3 yoxlama oyunu keçirəcək. Qarşılaşmalar 16, 19 və 22 yanvarda baş tutacaq. Rəqiblərin adı isə yaxın günlərdə məlum olacaq.
