"Sumqayıt" daha bir futbolçunu heyətinə qatıb. Sportnet.az-ın məlumatına görə, son olaraq "Qəbələ"də çıxış etmiş yığmamızın üzvü Vaqif Cavadov mövsümün sonuna qədər "gənclik şəhəri" təmsilçisinin heyətində çıxış edəcək.
26 yaşlı futbolçu yeni komandasında 70 nömrəli formanı geyinəcək.
2006-cı ildən Azərbaycan millisinin formasını geyinmiş Cavadov 57 qarşılaşmada meydana çıxıb və rəqib qapılarından 7 top keçirib.
Qeyd edək ki, Vaqif Cavadov karyerası ərzində "Qarabağ", "Bakı", "İnter", Hollandiyanın "Tvente", Rusiyanın "Volqa", Türkiyənin "Qaziantep BB" klublarının şərəfini qoruyub. Onun sonuncu komandası "Qəbələ" olub.
