Gəncənin "Kəpəz" klubu heyətini 2 futbolçu ilə gücləndirə bilər. Bu barədə Sportnet.az-a komandanın baş məşqçisi Şahin Diniyev məlumat verib.
Onun sözlərinə görə, həmin futbolçular ukraynalı hücumçu Vladimir Korobka və "Qarabağ"ın yarımmüdafiəçisi Namiq Ələsgərovdur: "Rusiyalı futbolçu artıq komandanın düşərgəsində baxışdadır və onun taleyinə 10 gün ərzində aydınlıq gələcək. Azərbaycanlı futbolçunun keçidi üçün isə klubu ilə danışıqlar aparılır. Razılıq olsa, Ələsgərov Antalyadan gələrək düşərgəmizə qoşulacaq. Belə olan halda o, mövsüm sonunadək komandamızda icarə əsasında çıxış edəcək".
Qeyd edək ki, "Kəpəz" hələ heç bir futbolçunu heyətinə cəlb etməyib. Əvəzində Rəşad Eyyubov, Məhərrəm Hüseynov, Murad Ağakişiyev və Ziyabil Məmmədovla yollar ayrılıb.
