Belində ağrılar hiss etdiyi üçün Türkiyənin Antalya bölgəsindəki təlim-məşq toplanışını tərk edən "Qəbələ"nin futbolçusu Ruslan Abışov Almaniyanın Münhen şəhərində yanvarın 30-dək qalacaq. Sportnet.az-ın "Qəbələ" İK qəzetinə istinadən məlumatına görə, təcrübəli müdafiəçini gələn ay yaşıl meydanda görmək mümkün olacaq.
Komandada başqa zədəli oyunçu yoxdur. İkinci dövrənin sonunu zədə üzündən buraxmalı olan əsas qapıçı Dmitri Bezotosnı da artıq qrup çalışmalarında iştirak edir.
Qeyd edək ki, baş məşqçi Roman Qriqorçukun sərəncamında əvəzedici heyətdən 3 futbolçu var. Bunlar müdafiəçi Bəhlul Mustafazadə, yarımmüdafiəçilər Yusif Nəbiyevlə Roman Hüseynovdur.
