"Barselona" Kral Kubokunun yarımfinalına gedən yolda ilk qələbəsini qazanıb. Sportnet.az-ın məlumatına görə, kataloniyalılar "Atletik"lə üz-üzə gəlib.
Bilbao təmsilçisinin qonağı olan "Barsa" 2:1 hesablı qələbə qazanıb. Qonaq komandanın qollarını 18-ci dəqiqədə Munir Əl Haddadi, 6 dəqiqə sonra isə Neymar vurub. Oyunun 89-cu dəqiqəsində Aduriz hesab arasındakı fərqi azaltsa da, komandası məğlub durumdan qurtula bilməyib.
"Barselona"nın heyətində Lionel Messi forma geyinməyib. Argentinalının ölkə çempionatının XX turunda "Atletik"lə keçirilmiş matçın (6:0) ilk hissəsində zədələndiyi və bu səbəbdən fasilədən sonra meydana buraxılmadığı bildirilib.
Start heyətində meydana çıxan türkiyəli futbolçu Arda Turan isə 66-cı dəqiqədə yerini Aleks Vidala verib.
Qeyd edək ki, cavab görüşü yanvarın 27-də keçiriləcək.
