"Sumqayıt" klubunun baş məşqçisi Samir Abasov komandanın Türkiyənin Antalya bölgəsində keçirdiyi təlim-məşq toplanışını dəyərləndirib. Sportnet.az-ın məlumatına görə, gənc mütəxəssis toplanışın ağır keçdiyini deyib.
S.Abasov toplanışda yüklənmələrin çox olduğunu bildirib: "Antalyadakı təlim-məşq toplanışımız ağır keçdi. Bir həftə ərzində günaşırı 4 yoxlama matçı keçirdik. Ağır oyunlar oldu, yüklənmə çox idi. Buna baxmayaraq, "Petrolul"la görüş göstərdi ki, komandamız tam hazır vəziyyətdə vətənə qayıdır. Ümidvaram ki, bu qarşılaşmalar Premyer Liqa qarşılaşmalarında bizə çox kömək edəcək və çəkdiyimiz əziyyətin bəhrəsini görəcəyik".
Komand bu gün Azərbaycana qayıdacaq və 2 günlük istirahətin ardından məşqləri Sumqayıtda bərpa edəcək.
