"Hazırda Azərbaycan Premyer Liqasının lideri "Qarabağ"dan 10 xal geri qalırıq. Lakin qarşıda çempionatın çoxlu oyunu var". Sportnet.az-ın məlumatına görə, bunu Braziliya mətbuatına açıqlamasında "Qəbələ"nin futbolçusu Luis Hilario Dodo deyib.
Kapitan mövsümün ikinci yarısı ərəfəsində qalan oyunlara köklənməli olduqlarını bildirib: "Özümüzü toparlamağı bacarmalı və titul uğrunda mübarizə aparmalıyıq".
29 yaşlı yarımmüdafiəçi hələlik komandanın işlərinin qaydasında getdiyini vurğulayıb: "Biz Avropa Liqasında böyük iş gördük. Qrup mərhələsinə vəsiqə qazanaraq, tarix yazdıq. Bu nailiyyəti yenidən təkrarlamalı və mövsümü titulla başa vurmalıyıq".
Qeyd edək ki, "Qəbələ" növbəti matçını yanvarın 30-da Gəncədə "Kəpəz"ə qarşı keçirəcək.
