Azərbaycan Premyer Liqasında mövsümün ikinci yarısının hazırlıqlarını davam etdirən "Qarabağ" klubu bir futbolçusu ilə yollarını ayırıb. Sportnet.az-ın klubun saytına istinadən verdiyi məlumata görə, Elvin Məmmədov bundan sonra "Qarabağ"da çıxış etməyəcək.
Ötən ilin yayında transfer olunan 28 yaşlı yarımmüdafiəçi ilə yollar qarşılıqlı razılaşma əsasında ayrılıb.
Qeyd edək ki, "Qarabağ" buna qədər Vladimir Dmitrovski, Raydell Pupon, Çumbinyo ilə yollarını ayırıb və Eltun Yaqublu, Vüqar Mustafayev və Namiq Ələsgərovu icarəyə verib.
