Azərbaycan Premyer Liqasının XIX turunda keçirilmiş "Kəpəz" - "Qəbələ" oyunundan sonra meydan sahiblərinin baş məşqçisi Şahin Diniyev oyun haqda fikirlərini bildirib. Sportnet.az-ın məlumatına görə, təcrübəli mütəxəssis komandasının mövsümün ikinci hissəsinə yaxşı hazırlaşdığını deyib.
O bildirib ki, "Kəpəz" qış təlim-məşq toplanışından sonra çempionata tam hazır olub: "Bugünkü qarşılaşmada da qış hazırlığının yüksək səviyyədə keçməyimizin rolu böyük oldu. Matçda məhz bunun bəhrəsini görərək, qalib gəldik. Komandamız "Qəbələ” ilə görüşdə yaxşı futbol nümayiş etdirdi. Yetirmələrimdən razı qaldım. Bu matçda layiqli qələbə qazandıq. Amma hesabın bu qədər də böyük olması tam oyuna görə deyil".
Qeyd edək ki "Kəpəz - "Qəbələ" oyunu 3:0 hesabı ilə yekunlaşıb. (Futbolxeber.az)
