"Məğlub olmaq istəmirdik. Çoxdandır Bakıda oyun keçirmirdik. Düşündüyümüzün tam əksi oldu. Çətin oyun olacağını bilirdik. Futbolçularımdan razı qaldım. İmkanlarımız olsa da, son nöqtəni qoya bilmədik. Çatışmazlıqlar olacaq. Tərlan Əhmədovu təbrik edirəm. Döyüşkən kolletiv yaratmağı bacarıb". Sportnet.az-ın sport7.az-a istinadən məlumatına görə, bunu "Qarabağ"ın baş məşqçisi Qurban Qurbanov AZAL-a 0:1 hesabı ilə uduzduqları Azərbaycan Premyer Liqasının XIX tur matçından sonra mətbuat konfransında deyib.
44 yaşlı mütəxəssis jurnalistlərin digər suallarını da cavablandırıb...
- Komandada hücumçu problemi əvvəldən var. Sizə elə gəlmir ki, sizi üçün daha çətin olacaq?
- Komandada 3-4 hücumçu olsa da, daim narazılıq olub. Sadəcə, hər futbolçumuz eyni sayda qol epizoduna çıxdı. Daima axtaraışdayıq. Hələ ki, Samuel Armenteros tam hazır deyildi. Tədricən Reynaldo hazır olacaq.
- Rahid Əmirquliyevin zədələnməsi planlarınızı pozdu?
- Rahidlə 3 oyun başqa sistemdə oynamışdıq. Ancaq bu gün fərqli sistemdə meydana çıxdıq. Rahidin zədələnməsinin planlarımızı pozduğunu desək, düzgün çıxmaz. Onu komandaya güvənib götürmüşük. Ancaq istənilən halda futbolçularımızın zədəli olması bizim problemimizdir.
- Sürətli oyun sərgiləyə bilməməyinizə nə mane oldu?
- Bəzən tam sürətli futbol oynamaq üçün şərait lazımdır. Rəqib qapanırsa, sürəti artırmaq qeyri-mümkündür. Bundan şikayət etmirəm. Stadionda sönük ab-hava var idi.
- Buraxılan qolun ofsaytan vurulub-vurulmaması ilə bağlı hansı fikirdəsiz?
- Hakimin qərarları meydanda hər zaman düzdür. Ofsayt olsa da, olmasa da hakimin səhv etdiyini deyə bilmərik. Ofsayt olsaydı, hakim bayrağını qaldırardı.
- Baxışda cəlb olunan Elgün Uluxanovla müqavilə imzalanıb?
- Elgün Uluxanovla müqavlə imzaladıq. Sadəcə, sənədlərinin gəlməsini gözləyirik. Əvəzedici komandamızda çıxış edəcək. Çalışırıq ki, perespektivli futbolçulara şərait yaradaq.
