Bu gün Azərbaycan Premyer Liqasının XX turuna start veriləcək. Sportnet.az-ın məlumatına görə, turun ilk oyun günündə bir qarşılaşma keçiriləcək.
Günün yeganə görüşündə paytaxtın iki komandası - "Neftçi" və "Rəvan" üz-üzə gələcək. Komandalar bugünədək ölkə çempionatında 10 dəfə qarşılaşıb. Bu oyunların 8-də "ağ-qaralar", 2-də isə "Rəvan" qələbəyə sevinib. Top fərqində isə "Neftçi" üstündür - 16:8. İndiyədək cütlüyün oyununda heç-heçə qeydə alınmayıb. Son iki oyunda qonaq komanda 3 qol vuraraq, qalib gəlib. "Neftçi" 7 matçdır meydanı qolsuz tərk etmir.
16:30. "Neftçi" – "Rəvan" - 1:1
Qollar: Jairo Rodriges, 83 - Ceyhun Abdullayev, 48
Qırmızı vərəqələr: Jairo Rodriges, 88 - Yasin Həmid, 89
Hakimlər: Elvin Əsgərov, Rahil Ramazanov, Vüsal Qənbərov, Ziya Nəsirov
AFFA nümayəndəsi: Rauf Hüseynli
Hakim-inspektor: Xaqani Məmmədov
Bakı, "Bakcell Arena"
Qeyd edək ki, turun digər qarşılaşmaları 6-7 fevralda keçiriləcək.
