"Sumqayıt" klubu "Qəbələ" ilə oyunun hazırlığıa start verib. Sportnet.az-ın məlumatına görə, Azərbaycan Premyer Liqasının XXI turunda səfərdə "Qəbələ" ilə qarşılaşacaq "Sumqayıt" bir günlük istirahəti başa vurub.
Komanda Samir Abasovun rəhbərliyi altında bu gün "Kapital Bank Arena"da məşqə çıxıb. Zədəli olduğu üçün "Zirə" ilə qarşılaşmada iştirak etməyən Cəmil Hacıyev artıq məşqlərə başlayıb. Adıçəkilən futbolçu hələki fərdi məşqlərlə kifayətlənir.
Vaqif Cavadov isə tam sağalaraq kollektivlə birlikdə məşqlərə başlayıb.
Qeyd edək ki, "Qəbələ" - "Sumqayıt" oyunu fevralın 14-də Qəbələ şəhər stadionunda keçiriləcək. Qarşılaşma saat 17:30-da başlayacaq.
