"Qəbələ”nin uğursuz seriyasının arxada qaldığını demək tezdir. Baxarıq. Biz oyunlara qələbə naminə çıxırıq. Ümid edirəm ki, qalib gələcəyik”. Sportnet.az xəbər verir ki, bunu "Qəbələ”nin qapıçısı Dmitri Bezotosnı Ukrayna mətbuatına açıqlamasında deyib.
Komandada vəziyyət və qarşıya qoyduqları vəzifələrdən danışan Bezotosnı liderlə 10 xal fərqlə geridə qalmalarına görə ruhdan düşmədiyini bildirib: "Hələ də çempionluq şansımız var. Ötən il turnir cədvəlində 6-cı yerdə gedirdik. Onda heç kim ehtimal edə bilməzdi ki, ilk "üçlüy"ə düşəcəyik. Onda mənə elə gəlir ki, 12-13 xal geridə idik. Futbolda hər şey olur və proqnoz verməyə dəyməz”.
Ukraynalı qolkiper Azərbaycan futbolundakı mövcud maddi problemlərə də toxunub: "Maddi problemlər mənə təsir göstərməyib. Klubda hər şey qaydasındadır. Elə məndə də həmçinin”.
