"Çoxlu qol vəziyyəti yaratsaq da, uzun müddət fərqlənə bilmədik. İstəyimizə son dəqiqələrdə çatdıq". Sportnet.az-ın məlumatına görə, bunu "Neftçi"nin futbolçusu Elşən Abdullayev "Xəzər Lənkəran"ı 1:0 hesabı ilə yendikləri Azərbaycan Premyer Liqasının XXI tur matçından sonra CBC Sport-a açıqlamasında deyib.
Yeganə qolun müəllifi qələbədə payının olduğu üçün sevindiyini bildirib. Abdullayev qələbəni azarkeşlərə həsr etdiyini dilə gətirib: "2 aydır futboldan uzaq idim. Fiziki gücüm qaydasında deyildi. Get-gedə daha çox oyunda oluram. Komanda yoldaşlarım daha ideal formada olduqları üçün onlara ötürmə edirdim. Qolu hər zaman bizim yanımızda olan "Neftçi" azarkeşlərinə həsr edirəm".
