Azərbaycan Premyer Liqasının XXI tur matçında "Qarabağ"ın "Kəpəz"ə vurduğu qol mübahisəyə səbəb olub. Sportnet.az-ın məlumatına görə, 10-cu dəqiqədə cərimə meydançasındakı qarışıqlıqdan sonra Rəşad Sadıqovun zərbəsi tora daxil olarkən, yan xətt hakimi Elman Musayev ofsayd qeydə alıb.
O, zərbə vurulan anda Maksim Medvedevin oyundankənar vəziyyətdə olduğunu iddia edib. Amma baş hakim Ömər Paşayev Medvedevin topa toxunmadığını və "Kəpəz"in qapıçısı Tadas Simaitisə mane olmadığını bildirərək, qolu sayıb.
Qeyd edək ki, hazırda "Qarabağ" öndədir - 1:0.
