2009-cu ilin yanvar ayından etibarən AFFA tərəfindən futbolla məşğul olan şəxslərin – futbolçuların, məşqçilərin və digər texniki işçilərin qeydiyyat sistemi yaradılıb. Sportnet.az-ın məlumatına görə, artıq qeydiyyatla bağlı yeni layihə tətbiq olunacaq.
Yarandığı ildən etibarən futbolla məşğul olan bütün şəxslərin qeydiyyatı mərkəzləşdirilmiş qaydada AFFA-nın Qeydiyyat və Statistika şöbəsi tərəfindən aparılırdısa, hazırda federasiya tərəfindən FİFA Connect platforması - onlayn qeydiyyat sisteminin tətbiq edilməsi üzrə işlər gedir.
2016/17-ci il mövsümündən bu qeydiyyat sisteminin tətbiq olunması nəzərdə tutulur.
Tətbiq olunacaq FİFA Connect proqramı aşağıdakı üstünlüklərə malikdir:
Qeydiyyat mərkəzləşdirilmiş qaydada deyil, onlayn aparılacaq.
Sistemə keçid AFFA saytında olacaq.
Klub və komandalar aşağıdakı qeydiyyat prosesinin özləri aparacaq:
- klubun ilkin qeydiyyatı
- yeni oyunçuların qeydiyyatı
- transferlər
- heyət yenilənmələri
FİFA Connect proqramı hər bir üzv federasiyaya futbolla məşğul olan şəxslərin sistemli şəkildə qeydiyyatının aparılmasına kömək edir.
