Transfer çalışmalarını davam etdirən "Sumqayıt" Kamil Nurəhmədovu heyətinə cəlb edib. Sportnet.az-ın məlumatına görə, son olaraq "Rəvan"da çıxış etmiş Nurəhmədovla 2 illik müqavilə imzalanıb.
23 yaşlı futbolçu "Sumqayıt"da 11 nömrəli formanı geyinəcək.
Qeyd edək ki, 2011/2012 mövsümündə "Sumqayıt"da çıxış etmiş Kamil Nurəhmədov həmin mövsüm "Gənclik şəhəri" təmsilçisinin heyətində ən çox oyun keçirmiş futbolçu olub. O, 32 turun hamısında meydanda olub. Bundan başqa, Nurəhmədov həmin mövsüm 4 qol vurmaqla 2-ci ən sərrast futbolçu olub.
