Azərbaycan Premyer Liqasında mübarizə aparan klubların əvəzedici heyətlərinin yarışında XXIII turun 4 oyunu keçirilib. Sportnet.az-ın məlumatına görə, zədə səbəbindən təxminən bir ay heyətdən kənarda qalan "Qarabağ"ın futbolçusu Əl Hərbi Əl Jadeyui "İnter"ə qarşı görüşdə meydana çıxıb.
O, oyunda penalti yerinə yetirməklə adını tabloya yazdırıb. Bundan başqa Premyer Liqada top qovan, bu yaxınlarda toyu olan "Zirə"nin futbolçusu Tərzin Cahangirov da "Neftçi"yə qarşı meydana çıxıb və fərqlənməyi bacarıb.
"İnter" - "Qarabağ" - 0:3
Qollar: Əl Hərbi Əl Jadeyui, 33 (P). Mahir Mədətov, 80 (P); 88
"Zirə" - "Neftçi" - 2:1
Qollar: Tərzin Cahangirov, 12. Sənan Əbilov, 34 (Avtoqol) - Bilal Qənbərov, 51
AZAL - "Rəvan" - 3:0
Qollar: Aydın Qasımov, 21. Elmin Çobanov, 53. Məhəmməd Quliyev, 64
"Kəpəz" - "Sumqayıt" - 1:1
Qollar: Nicat Əliyev, 3 - Şahin Əliyev, 74
