Bakı Ağır Cinayətlər Məhkəməsində ann.tv saytının əməkdaşı Rasim Əliyevin ölümündə təqsirləndirilən Elşən İsmayılov, Camal Məmmədov, Arif Əliyev, Kənan Mədətov və Samir Mustafayevin cinayət işi üzrə bu gün keçirilməli olan növbəti məhkəmə prosesi iki saat müddətinə təxirə salınıb.
Sportnet.az "Report"a istinadən xəbər verir ki, fasilə zamanı R.Əliyevin yaxınları ilə təqsirləndirilən şəxslərin qohumları arasında insident yaranıb.
Onlar bir-birlərini söyüb. K.Mədətovun anası ilə R.Əliyevin nişanlısı Gülər Abbasova əlbəyaxa oldular. Mərhumun bacısı isə təqsirləndirilən şəxslərin digər qohumları ilə dava edib.
Dava edən şəxslər məhkəmə zalından çıxarılıb.
Məhkəmə prosesi davam etdiriləcək.
