Bu gün Bakı Ağır Cinayətlər Məhkəməsində ann.tv saytının əməkdaşı Rasim Əliyevin ölümündə təqsirləndirilən Elşən İsmayılov, Camal Məmmədov, Arif Əliyev, Kənan Mədətov və Samir Mustafayevin cinayət işi üzrə növbəti məhkəmə prosesi keçirilib. Sportnet.az-ın "Report"a istinadən məlumatına görə, hakim Eldar İsmayılovun sədrliyi ilə keçirilən iclasda təqsirləndirilən şəxslərin müdafiəçiləri hüquqlarından istifadə edərək çıxış ediblər.
Onlar bildirib ki, R.Əliyevin ölümünə səbəb həkimlərin səhlənkarlığı olub. Daha sonra hakim təqsirləndirilən şəxslərə son söz demələrini təklif edib. Lakin onlar buna hazır olmadıqlarını bildiriblər.
Məhkəmənin növbəti prosesi martın 17-nə təyin olunub.
Qeyd edək ki, dövlət ittihamçısı çıxışında E.İsmayılov və A.Əliyevin hər birinə 14 il, C.Məmmədova 12 il, S.Məmmədov və K.Mədətovun hər birinə 11 il 6 ay həbs cəzası (ümumilikdə 63 il) istəyib.
