Azərbaycan Premyer Liqasının XXVI turunda "Kəpəz"i qəbul edəcək "Neftçi" tam heyətlə hazırlaşa bilmir. Sportnet.az-ın məlumatına görə, Vəli Qasımov Jairo Rodrigesin xidmətindən yararlana bilməyəcək.
Buna səbəb futbolçunun AFFA İcraiyyə Komitəsinin martın 7-də keçirilmiş iclasındakı qərarına əsasən iki oyunluq cəzalanmasıdır. Həmin cəza braziliyalı müdafiəçiyə XXIV turda "Qəbələ" ilə ev oyununda kobud oyuna görə qırmızı vərəqə aldığı üçün verilib.
Bundan başqa uzun müddətdir zədədən əziyyət çəkən Məqsəd İsayevin durumuna aydınlıq gəlməyib. Artıq komanda ilə məşqlərə qatılan müdafiəçinin "Kəpəz"ə qarşı meydana çıxıb-çıxmayacağı bilinmir.
Qeyd edək ki, martın 19-da "Bakcell Arena"da keçiriləcək "Neftçi" - "Kəpəz" oyunu saat 18:00-da başlayacaq.
