Bu gün Topaz Premyer Liqasında çıxış edən klubların əvəzedici heyətlərinin yarışında XXVII turun oyunları keçirilib. Sportnet.az-ın məlumatına görə, matçların heç birində heç-heçə qeydə alınmayıb.
Həm çempionatın lideri "Qəbələ", həm də bombardirlər yarışında ən sərrast oyunçusu olan Ehtiram Şəhverdiyev bu turda fərqlənib. Artıq hesabında 18 qol olan gənc hücumçu AZAL-la səfər matçında komandasına əzmkar qələbə qazandırıb. "Qəbələ"nin ən yaxın izləyicisi olan "Sumqayıt" turda böyükhesablı qələbə qazanan yeganə komanda olub. Sumqayıtlılar autsayder "Xəzər Lənkəran"ı darmadağın edib. Lənkəranlıların yeganə qolunun müəllifi qış fasiləsində transferə çıxarılsa da, sonradan əvəzedici heyətə göndərilən yarımmüdafiəçi Kamran Abdullazadə olub.
29 mart
AZAL - "Qəbələ” - 1:2
Tərlan Xəlilov, 20 - Sahil Mirzəyev, 45+1; Ehtiram Şahverdiyev, 63
"Sumqayıt” - "Xəzər Lənkəran” - 4:1
Samir İbrahimov, 16; Kənan Manafov, 38; Şahin Əliyev, 45; Bayram Nuruzadə, 61 - Kamran Abdullazadə, 55
"İnter” - "Neftçi” - 0:1
Bilal Qənbərov, 58
"Kəpəz” - "Zirə” - 2:0
Araz Mansurov, 2; Əli Səmədov, 41
"Qarabağ” - "Rəvan” - 3:1
Nicat Abbasov, 37 (p.); Fuad Kərimli, 55; Azər Salahlı, 90 - Elnur Abdulov, 23
