Azərbaycan Premyer Liqasının XXX turu çərçivəsində keçirilmiş "Kəpəz” – "İnter” matçını sərbəst güləş üzrə olimpiya çempionu Toğrul Əsgərov da izləyib. Sportnet.az-ın məlumatına görə, dörd illiyin ən böyük yarışının qalibi Gəncə klubunun azarkeşi kimi tanınır və mütamadi olaraq komandamızın evdə və səfərdə keçirilən oyunlarında tribuna yer alır.
Əsgərovun oyuna baxmağa gəlməsi fanatların da diqqətini çəkib, azarkeşlər "Toğrul, Toğrul” deyə güləşçini salamlayıblar. Oyun boyu "sarı-göylər”ə dəstək verən pəhləvan görüşdən sonra azarkeşlər ilə şəkil çəkdirib.
Qeyd edək ki, matçın qalibi müəyyənləşməyib - 1:1.
