"Qarabağ"ın futbolçusu Rahid Əmirquliyev reabilitasiya üçün Almaniyaya yollanıb. Sportnet.az-ın məlumatına görə, yarımmüdafiəçinin 10 gün bərpa prosesi keçəcəyi gözlənilir.
27 yaşlı yarımmüdafiəçi ötən ay Almaniyada əməliyyat olunub.
Qeyd edək ki, qış transfer pəncərəsi zamanı "Qarabağ"ın sıralarına "Xəzər Lənkəran"dan qoşulan Azərbaycan milli komandasının futbolçusu təlim-məşq toplanışı zamanı zədələnib. O, həmin vaxt bir ayadək yaşıl meydanlardan uzaq qalıb. Zədəsini sağaldaraq martın 2-də "Sumqayıt"la Azərbaycan Kubokunun ilk yarımfinal görüşündə debüt edən Əmirquliyev elə birinci hissədəcə yenidən zədələnib.
