Sabah Azərbaycan Premyer Liqasında 33-cü turun oyunları keçiriləcək. Sportnet.az-ın məlumatına görə, turun bütün matçları eyni gündə baş tutacaq. Matçlardan 4-ü paytaxtda, yalnız 1-i əyalətdə olacaq.
Ən maraqlı oyun Premyer Liqanı ilk dəfə qəbul edəcək "Əlincə Arena"da keçiriləcək. Avropa Liqasına vəsiqə verən 6-cı yer uğrunda mübarizədə AZAL-la "Neftçi"nin görüşü böyük maraq doğrurur. "Əlinə Arena"da meydan sahibi olacaq "Neftçi" kubokun finalına çıxdığından matça yüksək əhval-ruhiyyədə çıxacaq. Vəli Qasımovun komandası çempionatdakı rəqibinə qalib gələrsə, xal fərqini 2-yə azaldacaq. Təbii ki, heç-heçə Tərlan Əhmədovun komandasına sərf edir ki, bu zaman 5 xallıq fərq qalacaq. AZAL qələbə qazanacağı halda isə "Neftçi" ilə xal fərqini 8-dək artırmaqla Avropa Liqasına çıxmaq vəzifəsini demək olar həll edəcək.
Zirədəki oyun da maraqla gözlənilir. Kubokun finalından kənarda qalan "Qəbələ" indi bütün ümidlərini ardıcıl 3-cü mövsüm bürünc medal qazanmağa yönəldib. "Zirə" isə avrokuboklara gedə bilməsə də, çempionatı gümüş medalla başa vurmağı rəsmiləşdirməsini gözləyir. Buna görə də hər 2 komanda meydana yalnız qələbə üçün çıxacaq.
Hazırda 3-cü pillədə olan "Kəpəz"i asan sınaq gözləyir. Belə ki, Gəncə təmsilçisi autsayder "Xəzər Lənkəran"ın qonağı olacaq. Ancaq digər tərəfdən, cənub klubu Premyer Liqada qalmaq uğrunda mübarizə apardığından qələbəyə oynayacaq. Digər autsayder "Rəvan" da bürünc medal uğrunda mübarizə aparan komandanı qonaq edəcək. Bu da "Qəbələ" kimi kubokda mübarizəni yarımfinalda dayandıran "İnter"dir.
"Qarabağ" isə ardıcıl 3-cü mövsüm çempion olduqdan sonra Premyer Liqada ilk matçına çıxacaq. Bu, ölkə kubokunun 1/4 final mərhələsində mübarizədən kənarlaşdırdığı "Sumqayıt"dır. Samir Abasovun komandası mövsümü 8-ci pillədə başa vuracağından bu oyunda heç bir komandanın iddiası omayacaq.
7 may (şənbə)
"Zirə” – "Qəbələ”
Hakimlər: Rauf Cabbarov, Rza Məmmədov, Nahid Əliyev, Ziya Nəsirov
AFFA nümayəndəsi: Namiq Məstanov
Hakim-inspektor: Murad Məmmədov Zirə İdman Kompleksinin stadionu, 15:00
"Xəzər Lənkəran” – "Kəpəz”
Hakimlər: Ömər Paşayev, Zeynal Zeynalov, Coşqun Həsənov, Ramil Əhmədov
AFFA nümayəndəsi: Şaiq Həmidov
Hakim-inspektor: Əhmədağa Cabbarov
"Xəzər Lənkəran” mərkəzi stadionu, 16:00
"Rəvan” – "İnter”
Hakimlər: Fariz Yusifov, Cavanşir Yusifov, Elgün Adıgözəlli, Fərid Məmmədov
AFFA nümayəndəsi: Arif Fərəcov
Hakim-inspektor: Gülağa Cabarov
"Bayıl Arena”, 17:00
Hakimlər: Rövşən Rəcəbov, Vaqif Musayev, Mehman Mahmudov, Elvin Əsgərov
AFFA nümayəndəsi: Sakin Məmmədzadə
Hakim-inspektor: Vüsal Əliyev
"İnter Arena”, 19:00
"Neftçi” – AZAL
Hakimlər: Rəhim Həsənov, Akif Əmirəli, Kamran Bayramov, Rəvan Həmzəzadə
AFFA nümayəndəsi: Mübariz Hüseynov
Hakim-inspektor: Məlik Həsənov
"Əlincə Arena”, 19:05 ("CBC Sport”, canlı)
