"Qarabağ"ı çempionluq münasibəti ilə təbrik edirəm. Rəqibin gücünü bilirdik. Çalışırdıq, qol buraxmayaq. Buraxdığımız bir səhv matçın taleyini həll etdi. Komandamın oyunundan razıyam. "İnter”lə oyunda bugünkü kimi oynamışdıq. Yəqin futbolçularım "Qarabağ”a qarşı özlərini göstərmək istəyirdilər”. Sportnet.az-ın məlumatına görə, bu sözləri "Sumqayıt"ın baş məşqçisi Samir Abasov Topaz Premyer Liqanın 33-cü turunda "Qarabağ"a 0:1 hesabı ilə uduzduqları matçdan sonra deyib.
Daha sonra Abasov jurnalistlərin suallarını cavablandırıb.
- Mövsümün sonunda komandadan kimlər gedəcək?
- İstəyirik ki, yayda bir neçə futbolçu ilə güclənək. Gələnlərin sayına görə gedən futbolçularımız da olacaq.
- Yayda komandaya legioner cəlb olunacaq?
- Bu, rəhbərliyə verilməli sualdır. Əlbəttə, istəyirik ki, legioner futbolçu ilə güclənək. Yayda bütün bunlara aydınlıq gələcək.
Mənbə: Qol.az
