"Qarabağ” Azərbaycan Premyer Liqasında ardıcıl 10-cu qələbəsini qazanıb. Sportnet.az-ın PFL-in rəsmi saytına istinadən məlumatına görə, bu, klub tarixinin Azərbaycan çempionatlarındakı yeni rekordudur.
Ötən tur 5 il əvvəlki rekordunu təkrarlayan Ağdam təmsilçisi XXXIII turun "Sumqayıt”la ev oyununda qalib gəlib, seriyasını 10-a çatdırıb. 1:0-la gələn 10-cu qələbə qolu isə yubiley xarakteri daşıyıb. Əfran İsmayılovun 3 xal qazandıran qolu "Qarabağ”ın Azərbaycan çempionatları tarixində öz meydanında vurduğu 600-cü qol olub. Ağdam təmsilçisi bu göstəricidə yalnız 701 qol vuran "Neftçi”dən geri qalır. "Qarabağ" 600-ə 338-ci matçda çatıb. 227 qələbə qazanıb, 65 heç-heçə edib, 46 dəfə uduzduğu görüşlərdə əyalət klubu 237 qol buraxıb.
