17 yaşadək futbolçular arasında Bakıda keçirilən Avropa çempionatının ikinci yarımfinalçısı müəyyənləşib. Sportnet.az-ın məlumatına görə, Portuqaliya millisinin ardınca Almaniya yığması 1/4 finalın qalibi olub. Bundestim Belçikanı 1:0 hesabı ilə məğlub edib. Oyunda yeganə qolun müəllifi həmyerlimiz Renat Dadaşov olub. Hücumçunun fasilədən az sonra vurduğu almanlara qələbə qazandırıb. Bundestimin yarımfinalda rəqibi İspaniya - İngiltərə cütünün qalibi olacaq.
Xatırladaq ki, Belçika Azərbaycan millisinin yer aldığı qrupda 2-ci yerin sahibi kimi 1/4 finala yüksəlmiş, Almaniya isə B qrupunun qalibi olmuşdu.
