"Qarabağ"ın baş məşqçisi Qurban Qurbanov Premyer Liqada "Rəvan"la matçda müdafiə xəttindən narazıdır. Sportnet.az-ın oyunda əməkdaşının məlumatına görə, komandasının buraxdığı 2-ci qoldakı səhv təcrübəli mütəxəssisi özündən çıxarıb. O, hətta yumruğu ilə ehtiyat oyunçular skamyasının şüşəsinə zərbə vurması ilə yadda qalıb.
Həmin epizodda "Qarabağ"ın mərkəz müdafəçiləri kobud səhvə yol verib. Qurbanov da onlara - Elvin Yunuzszadə ilə Namiq Yusisova topu vaxtında cərimə meydandan çıxarmadıqlarına görə narazılığını bildirib.
Xatırladaq ki, Yunuszadə müdafiənin mərkəzində Eltun Yaqublu ilə oynasa da, sonuncu qırmızı vərəq aldıqdan sonda Yusifov dayaq qyarımümdafiəçisi mövqeyindən ora çəkilib. Qurbanov uzun müddətdir oynamayan Namiqi sona az qalmış Qara Qarayevlə əvəzləyib.
