AFFA-nın İntizam Komitəsi "Kəpəz", "Neftçi", AZAL və "Zirə" klublarını cərimələyib. Sportnet.az-ın məlumatına görə, Premyer Liqanın XXXIV turunda "Kəpəz” – "Neftçi” matçının 90-cı dəqiqəsində gəncəlilərin heyətində Tərlan Quliyev ikinci sarı vərəqə alaraq meydandan kənarlaşdırıldığı üçün 1 oyun cəzalanıb, klub 200 manat cərimə olunub.
Bundan əlavə oyunun 49, 80, və 90-cı dəqiqəsində yerli azarkeşlər tərəfindən meydançaya kənar əşyalar atıldığı üçün klub 2000 manat cərimələnib. AZAL – "Zirə” matçında meydan sahiblərinin 4 futbolçusu sarı vərəqə ilə cəzalandığı üçün klub 1000 manat ziyana düşüb.
Həmin turda keçirilmiş "Neftçi” – "İnter” matçının 73-cü dəqiqəsində "ağ-qaralar"ın azarkeşləri tərəfindən pirotexniki vasitələrdən istifadə edilib və bu səbəbdən klub 1000 manat ödəməli olacaq.
XXXV turun "Zirə” – "Kəpəz” matçında meydan sahiblərinin 6 futbolçusu, "Rəvan” – "Qarabağ” matçında ev sahiblərinin 4 futbolçusu sarı vərəqə ilə cəzalandığı üçün hər iki klub 1000 manat cərimələnib.
Oyunun 25-ci dəqiqəsində "Qarabağ”ın futbolçusu Eltun Yaqublu sonuncu ümid foluna görə birbaşa qırmızı vərəqə alaraq meydandan kənarlaşdırıldığı üçün futbolçu 1 oyunluq cəzalanır, klub 200 manat cərimə olunub.
