Azərbaycan klubları avrokuboklarda qarşıdakı mövsümdə Kosovo təmsilçiləri ilə görüşməyəcəklər. Sportnet.az-ın məlumatına görə, səbəb həmin ölkə klublarının 2016/2017 mövsümündə UEFA bayrağı altındakı yarışlara buraxılmamasıdır.
Kosovo Futbol Federasiyası UEFA üzvlüyünə mayın əvvəllərində səs çoxluğu ilə qəbul olunub. Lakin Azərbaycanın rəsmi səviyyədə tanımadığı ölkənin klubları qitəmiqyaslı turnirdə debüt etmək üçün daha bir mövsüm gözləməli olacaqlar. Səbəb Kosovoda infrastrukturun və klublarda maddi vəziyyətin pis olmasıdır.
Kosovo təmsilçiləri bəyan ediblər ki, 2017/2018 mövsümündə avrokuboklarda iştiraka icazə almaq üçün qarşıdakı 1 ildə çatışmazlıqlar üzərində işləyəcəklər.
