"Qarabağ" klubu futbolçusu Cavid Tağıyevi "Kəpəz"ə buraxmayıb. Sportnet.az-ın məlumatına görə, bu barədə Gəncə komandasının baş məşqçisi Şahin Diniyev açıqlama verib.
Onun sözlərinə görə, 24 yaşlı yarımmüdafiəçini icarəyə götürmək istəkləri baş tutmayıb. Ağdam təmsilçisinin rəhbərliyi son anda C.Tağıyevi komandada saxlamağa qərar verib. Mövsümün ikinci yarısında "Kəpəz"də "Qarabağ"ın digər yarımmüdafiəçisi Namiq Ələsgərov icarə əsasında çıxış edib. Mövsüm bitdikdən sonra o, müqavilə üzrə məxsus olduğu komandasına qayıdıb.
Qeyd edək ki, Cavid Tağıyev "Qarabağ"a iki il öncə AZAL-dan keçib. Bu gün futbolçunun doğulub boya-başa çatdığı Tovuzda toy mərasimi keçirilib ("Report").
