"Ötən yay transfer etdiyimiz legionerlərdən Vitali Vernidubun taleyi böyük ölçüdə müəyyənləşib. Ukraynalı müdafiəçi komandamızda qalması nəzərdə tutulub. Ancaq Aleksey Antonovla Sergey Zenyovun məsələsi hələ də açıq qalır”.
Bu fikirləri Sportnet.az-a açıqlamasında "Qəbələ”nin baş meneceri Zaur Əzizov deyib. Onun sözlərinə görə, əcnəbi hücumçular – ukraynalı Aleksey Antonovla Sergey Zenyovla yolların ayrılacağı istisna olunmur: "Onlarla bağlı hər hansı təklif olarsa, bunu dəyərləndirmək istəyirik. Antonovla Zenyovla 2 illik müqavilə bağlamışdıq. Yəni hər ikisi ilə daha 1 illik anlaşmamız var. Antonov və Zenyovla bağlı münasib təklif alsaq, bunu dəyərləndirməyə hazırıq”.
"
"Qəbələ” müqaviləsi bitən braziliyalı kapitanı Dodonu saxlamaq fikrində deyil. Buna görə də 29 yaşlı yarımmüdafiəçinin "qırmızı-qaralar”da 5 illik çıxışını başa vurduğunu demək olar. Ancaq Dodonun həmyerliləri olan müdafiəçilər Rikardinyo ilə Rikardo Santosla klubla hələ dekabradək müqavilələri var və onlar çıxışlarını davam etdirəcəklər. Bu, "İnter”dən icarəyə götürülən serbiyalı müdafiəçi Vojislav Stankoviçə də aiddir. O, bu ilin sonunadək "Qəbələ”yə məxsusdur.
