Uels milli komandasının lideri Qaret Beyl tarixə düşüb. Sportnet.az-ın məlumatına görə, "Real Madrid"in 27 yaşlı yarımmüdafiəçisi yığmasının Avropa çempionatının final mərhələsində ilk qolunun müəllifi olub.
Beyl Slovakiya millisi ilə matçın 10-cu dəqiqəsində cərimə zərbəsindən fərqlənib. Dünyanın ən bahalı futbolçusu daha öncə də Uels yığmasının tarixində düşüb. Məsələ ondadır ki, Beyl 10 il öncə məhz Slovakiya ilə matçda fərlqənməklə millisində qol vuran ən gənc futbolçu olub.
Avropa çempionatında sonuncu dəfə cərimə zərbəsindən birbaşa qol 2012-ci ildə vurulub. Onda İtaliya yığmasının yarımmüdafiəçi Andrea Pirlo Xorvatiya millisi ilə 1:1 hesabı ilə nəticələnən matçın 38-ci dəqiqəsində fərqlənib.
