Uels milli komandasının futbolçusu Qaret Beyl Avropa çempionatının final mərhələsində debütlərini dəyərləndirib. Sportnet.az-ın məlumatına görə, milli komandasının final mərhələsində ilk qolunun müəllifi olan təcrübəli yarımmüdafiəçi Slovakiya ilə Bordodakı matçda sanki doğma meydançada oynadıqlarını bildirib.
Beyl bunun azarkeşlərinin çılğın dəstəyi sayəsində mümkün olduğunu bildirib: "Bu, demək olar ev oyunu idi. Azarkeşlərimiz dünyanın ən yaxşılarıdır. Onlar bizi tam dəstəkləyirdilər. Biz onlara bayram etməyə səbəb verdik".
Futbolçu öz qolu haqda da danışıb: "Vurduğum qol əla alındı. Bu, bizim ölkə üçün tarixi an idi. Əsas odur ki, 3 xalı qazandıq. Hal Robson-Kanu sadəcə, əla idi. Müdafiəçilər ona mane olurdu, ancaq o, qol vura bildi. Hər futbolçu qələbədə rol oynadı. Biz mübarizə aparmağa davam edəcəyik".
