Ukraynanın "Dinamo” klubunun sabiq baş məqşçisi Oleq Bloxin vaxtından öncə postundan uzaqlaşdırıldığı üçün komandadan təzminat tələb edib. Sportnet.az-ın məlumatına görə, 62 yaşlı baş məşqçi bu barədə Ukrayna Futbol Federasiyasına müraciət edib.
Onun tələbinə əsasən, Kiyev təmsilçisi müqavilənin şərtlərini yerinə yetirmədiyi üçün təcrübəli mütəxəssisə sonunda altı sıfırlı məbləğ ödəməlidir.
Qeyd edək ki, Oleq Bloxin "Dinamo"da antirekordları ilə yadda qalıb. 2012-ci ildə Yuri Syominin gedişindən sonra baş məşqçi postuna təyin edilən Bloxin 2014-cü ilin aprelində komandadan göndərilib. Buna səbəb isə Bloxinin ukraynalı məşqçinin göstərdiyi uğursuz nəticələr olub. O, "Dinamo" ilə keçirdiyi 58 matçın 32-də qalib, 16-da isə məğlub olub. Qalan 10 görüşdə isə Bloxinin komandası meydanı sülhlə tərk edib.
