Avstriyanın "Zalsburq" klubunun baş məşqçisi Adolf Hütter Bakıya gəlib. Sportnet.az-ın Avstriya mətbuatına istinadən məlumatına görə, Hütter bu gün "Qarabağ"la Maltanın "Valletta" klubu arasında keçiriləcək Çempionlar Liqasının II təsnifat mərhələsinin cavab oyununu izləyəcək.
Bu da təsadüfi deyil. 44 yaşlı mütəxəssisin rəhbərlik etdiyi komanda Çempionlar Liqasının III təsnifat mərhələsində məhz bu cütün qalibi ilə qarşılaşacaq. Avstriyalı baş məşqçi oyunu klubun rəsmi saytının video-analitiki Riçard Kitsbixlerlə birgə izləyəcək.
Qeyd edək ki, Tofiq Bəhramov adına Respublika stadionunda keçiriləcək "Qarabağ" - "Valletta" matçı saat 21:30-da start götürəcək.
